Rudihytta

Enkelte dagar er det jo beint fram perfekt turvær, ein dag var me sørover på øya og forbi Rudihytta som ligg heilt sør på Hopen.

Denne hytta blei oppført av den fyrste kjende fangstekspedisjonen på Hopen sesongen 1908-1909, den mest kjende deltagaren på denne turen var Henry Martentius Rudi og kalla isbjørnkongen. Han budde og fangsta der nærast aleine den sesongen, dei andre i følget var lenger nord på øya. Den ligg vakkert til på Koefodden med utsyn utover havet og nordover langs austsida av øya. Sjølve hytta har fått hard mefart av vær, vind og isbjørn og er heilt ubebueleg. Det har den vore i mange årtier men den står framleis der som eit minne om svunne tider, og eit hardt liv som ikkje var so bekvemt som nymotens ishavsfolk har det. Henry Rudi overvintra på Hopen som ung mann og sin fyrste sesong, det blei seinare ein yrkesveg for han og han endte opp med 28 overvintringar på Svalbard, 10 på Grønland og 1 på Jan Mayen. Samt 30 fangstturar på isen. Rykta skal ha det til at han tok tilsaman over 700 isbjørn. Isbjørnen som vandrar forbi i dag skal nok være glad for at Henry Rudi ikkje bur i hytta i dag.

Utsikta frå hytta nordover langs austsida av øya.
Ein glad og uvitande isbjørn som ikkje kjenner historia til han som var med og bygde hytta han passerar.

Share

Legg igjen en kommentar

Din e-postadresse vil ikke bli publisert. Obligatoriske felt er merket med *

Dette nettstedet bruker Akismet for å redusere spam. Lær om hvordan dine kommentar-data prosesseres.